Dinamalar

என் கதையை படமாக்க மாதவன் தான் தகுதியானவர்: நம்பி நாராயணன்

மாதவன் முதன் முறையாக தயாரித்து, இயக்கி, நடிக்கும் படம் ராக்கெட்டரி : தி நம்பி எபெக்ட். முன்னாள் இஸ்ரோ விஞ்ஞானி நம்பி நாராயணனின் வாழ்க்கை வரலாற்றை அடிப்படையாகக் கொண்டு எடுக்கப்பட்ட திரைப்படமாகும். அவர் உளவு பார்த்ததாக குற்றம் சாட்டப்பட்டு பல ஆண்டு சட்டபோராடத்திற்கு பிறகு நிரபராதி என்று விடுவிக்கப்பட்டார்.

இந்த படத்தில் நம்பி நாராயணன் பாத்திரத்தில் மாதவன் நடித்துள்ளார். சிம்ரன், ரஜத் கபூர், ரவி ராகவேந்திரா, மிஷா கோஷல், கார்த்திக் குமார் உள்ளிட்ட பலர் நடித்துள்ளனர், ஷாருக்கான் மற்றும் சூர்யா சிறப்புத் தோற்றங்களில் நடித்துள்ளனர்.

இந்தியா, பிரான்ஸ், கனடா, ஜார்ஜியா, செர்பியா மற்றும் ரஷ்யா உள்ளிட்ட நாடுகளில் தயாரான இப்படம் உலகமெங்கும் வருகிற ஜூலை 1ம் தேதி திரையரங்குகளில் வெளியாகிறது. இந்த படத்தின் புரமோசன் பணிகளை மாதவன் தொடங்கி உள்ளார். இதன் ஒரு பகுதியாக துபாயில் நடந்து வரும் எக்ஸ்போ 2022ல் இதன் டீசர் வெளியீட்டு விழா நடந்தது.

இந்த விழாவில் சிறப்பு விருந்தினராக கலந்து கொண்ட நம்பி நாராயணன் பேசியதாவது: எனது வரலாற்றை படமாக்க பலர் முன் வந்தார்கள். ஆனால் பொறியியல் துறைசார் அறிவின் சாராம்சத்தைப் புரிந்து கொள்ளக்கூடிய ஒருவரால் என் கதை சொல்லப்பட வேண்டும் என நான் விரும்பினேன். அந்தவகையில், மாதவன் ஒரு பொறியாளர் என்பதால், என் கதையை அவரிடம் சொல்வது எனக்கு மிக எளிதாக இருந்தது. மாதவன்தான் என் கதையை படமாக்க தகுதியான நபர் எனக்கு தோன்றியதால் சம்மதித்தேன்.

ஒரு ராக்கெட் ராக்கெட் விஞ்ஞானி, உண்மையின் பாதையில் செல்ல வேண்டும் என்பதுதான் இந்த படத்தின் கருத்து. ஒருவரால் உங்களுக்கு அநீதி இழைக்கப்பட்டால், நீங்கள் சோர்ந்து போய் விடக்கூடாது, நீதி கிடைக்கும் வரை போராட வேண்டும். என்ற செய்தியை இளைஞர்களுக்கு இந்த படம் தெரிவிக்கும். என்றார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...