Dinamalar

இயக்குனர் பாரதிராஜா வேறு மருத்துவமனைக்கு மாற்றம்

இயக்குனர் பாரதிராஜா கடந்த சில ஆண்டுகளாக நடிகராகவும் பயணித்து வருகிறார். கடந்தவாரம் தனுஷ் உடன் இவர் நடித்து வெளியான ‛திருச்சிற்றம்பலம்' படத்தில் இவரது நடிப்பு பெரிதும் பேசப்பட்டது. தொடர்ந்து இரண்டு, மூன்று படங்களில் நடித்து வரும் இவருக்கு சில தினங்களுக்கு முன் திடீரென உடல்நலக் குறைவு ஏற்பட்டது. இதையடுத்து இவர் சென்னை, தி.நகரில் உள்ள மருத்துவமனையில் அனுமதிக்கப்பட்டு சிகிச்சை பெற்றார். பரிசோதனையில் இவருக்கு நீர்சத்து குறைபாடு மற்றும் மஞ்சள் காமாலை நோய் தாக்கம் இருந்ததாக தகவல்கள் வந்தன. இருப்பினும் அவரது உடல்நிலை சீராக உள்ளது என மருத்துவமனை வட்டாரங்கள் தெரிவித்தன.

இந்நிலையில் குடும்பத்தினரின் ஆலோசனைப்படி பாரதிராஜா வேறு மருத்துவமனைக்கு மாற்றப்பட்டுள்ளார். அதன்படி தி.நகரில் உள்ள மருத்துவமனையில் இருந்து சென்னை எம்ஜிஎம் மருத்துமனைக்கு டாக்டர் ராஜகோபால் மேற்பார்வையில் மேல் சிகிச்சைக்காக இன்று(ஆக.,25) மதியம் 12 மணிக்கு அனுமதிக்கப்பட்டுள்ளார்.

பாரதிராஜாவிற்கு நெஞ்சில் சளி உள்ளது. நன்றாக பேசுகிறார். அடையாளம் காண்கிறார். அவர் விரைவில் குணமாகி வீடு திரும்புவார் என அவரை மருத்துவமனையில் சந்தித்த பாடலாசிரியர் வைரமுத்து தெரிவித்துள்ளார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  கூலி படத்துக்கு விமர்சனம் : மவுனம் கலைத்த லோகேஷ் கனகராஜ்
• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்