Dinamalar

‛சூப்பர் ஸ்டார்' விவகாரம் : சரத்குமார் விளக்கம்

தமிழ் சினிமாவில் தற்போது சூப்பர் ஸ்டார் நடிகர் யார் என்ற சர்ச்சை தற்போது எழுந்துள்ளது. குறிப்பாக ரஜினிகாந்த் 70 வயதுக்கு பிறகும் ஹீரோவாக நடித்து விஜய், அஜித் போன்ற நடிகர்களுக்கே டப் கொடுத்துக் கொண்டிருக்கிறார் என்பது குறிப்பிடத்தக்கது. அதோடு அவரது வசூல் சாதனையை எந்த நடிகர்களும் முறியடிக்கவில்லை என்ற திரையுலகினரின் கருத்துக்களும் வெளியாகிக் கொண்டிருக்கிறது.

இந்த நிலையில் சமீபத்தில் விஜய் நடித்துள்ள வாரிசு படத்தின் இசைவிழா நடைபெற்றபோது, நான் நடித்த சூர்யவம்சம் படத்தின் வெற்றி விழாவிலேயே விஜய் தான் அடுத்த சூப்பர் ஸ்டார் என்று கூறினேன் என அந்த மேடையில் தான் முன்பு பேசியதை நினைவுப்படுத்தினார் சரத்குமார். அவரது அந்த பேச்சை தொடர்ந்து, ரஜினி முன்னாள் சூப்பர் ஸ்டார், விஜய் தான் தற்போதைய சூப்பர் ஸ்டார் என்ற கருத்துக்கள் வெளியாகி சர்ச்சைகளை ஏற்படுத்தியது. சரத்குமார் வாரிசு விழா மேடையில் பேசியதையும் பலரும் சுட்டிக்காட்டினார்கள் .

இந்த நிலையில் நடிகர் சரத்குமார் தற்போது அளித்துள்ள ஒரு பேட்டியில், விஜய்யின் வளர்ச்சியை பார்த்து அடுத்த சூப்பர் ஸ்டாராக வருவார் என்று நான் சூர்யவம்சம் படத்தின் வெற்றி விழாவில் கூறியிருந்தேன். அதைத்தான் வாரிசு படத்தின் இசை விழாவிலும் சொன்னேன். ஆனால் ரஜினிகாந்த் தற்போதைய சூப்பர் ஸ்டார் இல்லை, விஜய்தான் தற்போதைய சூப்பர் ஸ்டார் என்று நான் சொல்லவில்லை. அஜித் குமார் சூப்பர் ஸ்டார் இல்லை என்றும் நான் சொல்லவில்லை. அதோடு அமிதாப்பச்சன் சூப்பர் ஸ்டார் தான். ஷாருக்கானும் சூப்பர் ஸ்டார் தான். அந்த வகையில் அவர்தான் சூப்பர் ஸ்டார், இவர்தான் சூப்பர் ஸ்டார் என்று நான் சொல்லவில்லை. வாழ்க்கையில் சாதிக்கும் ஒவ்வொரு நடிகர்களுமே சூப்பர் ஸ்டார் நடிகர்கள் தான் என்ற கோணத்தில் அவர்களை உற்சாகப்படுத்தும் வகையில் தான் நான் குறிப்பிட்டு இருந்தேன் என்று கூறியிருக்கிறார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!