Dinamalar

'அகிலன்' - தனி வெற்றியை எதிர்பார்க்கும் ஜெயம் ரவி

'ஜெயம்' படத்தின் மூலம் கதாநாயகனாக அறிமுகமாகி கடந்த 20 வருடங்களில் தனக்கென ஒரு தனி ரசிகர் கூட்டத்தை வைத்திருப்பவர் ஜெயம் ரவி. கடந்த வருடம் அவர் நடித்து வெளிவந்த 'பொன்னியின் செல்வன்' படத்தில் தலைப்பின் நாயகனாக நடித்து பலரது பாராட்டுக்களைப் பெற்றார்.

அவர் தனி கதாநாயகனாக நடித்துள்ள 'அகிலன்' படம் இந்த வாரம் மார்ச் 10ம் தேதி வெளியாக உள்ளது. இதற்கு முன்பு அவர் தனி கதாநாயகனாக நடித்த 'பூமி' படம் 2021ல் ஓடிடி தளத்தில் வெளியானது. அதற்கு முன்பு 2019ல் அவர் நடித்து வெளிவந்த 'கோமாளி' படம் பெரும் வெற்றியைப் பெற்றது. மூன்றரை வருட இடைவெளிக்குப் பிறகு ஜெயம் ரவியின் தனி கதாநாயகன் படமாக 'அகிலன்' வர உள்ளது.

ஜெயம் ரவி நடித்து 2015ல் வெளிவந்த 'பூலோகம்' படத்தை இயக்கிய கல்யாண கிருஷ்ணன் இயக்கியுள்ள படம்தான் 'அகிலன்'. இந்தப் படத்தின் டிரைலருக்கு ரசிகர்களிடம் நல்ல வரவேற்பு கிடைத்துள்ளது. வேறு எந்த முன்னணி நடிகரின் படமும் போட்டிக்கு இல்லாததால் 'அகிலன்' படம் சிறப்பாக இருக்கும்பட்சத்தில் அனைவரையும் கவர வாய்ப்புண்டு.

மார்ச் 10ம் தேதி “ப்யூட்டி, இரும்பன், கொன்றால் பாவம், மெமரீஸ்” ஆகிய படங்களும் வெளியாக உள்ளதாக அறிவிக்கப்பட்டுள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...