Dinamalar

'மாமன்னன்' - வடிவேலுவும் ஒரு மன்னன்?

மாரி செல்வராஜ் இயக்கத்தில், ஏஆர் ரஹ்மான் இசையமைப்பில், உதயநிதி ஸ்டாலின், பகத் பாசில், வடிவேலு, கீர்த்தி சுரேஷ் மற்றும் பலர் நடிக்கும் படம் 'மாமன்னன்'. இப்படத்தின் முதல் பார்வை போஸ்டர் நேற்று வெளியிடப்பட்டது. பொதுவாக அம்மாதிரியான போஸ்டர்களில் கதாநாயகனின் புகைப்படம் மட்டுமே இடம் பெறும். ஆனால், 'மாமன்னன்' முதல் பார்வை போஸ்டரில் வடிவேலுவுக்கும் முக்கியத்துவம் கொடுக்கப்பட்டுள்ளது.

ஏற்கெனவே, இப்படம் பற்றி இதற்கு முன்பு வெளியான சில போஸ்டர்களில் வடிவேலுவின் பெயர்தான் முதலில் இடம் பெற்றிருந்தது. அதற்குப் பிறகு பகத் பாசில், கீர்த்தி சுரேஷ் கடைசியாகத்தான் படத்தின் கதாநாயகனாக உதயநிதி ஸ்டாலின் பெயர் இடம் பெற்றிருந்தது. அதுதான் முதல் பார்வை போஸ்டரிலும் இருக்கிறது.

போஸ்டரைப் பார்க்கும் போது கமல்ஹாசன், சிவாஜிகணேசன் நடித்த 'தேவர் மகன்' ஞாபகம் வருவதைத் தவிர்க்க முடியவில்லை. வடிவேலு கம்பீரமாக அமர்ந்திருக்க, அவருக்குப் பக்கத்தில் உதயநிதி கத்தியுடன் அமர்ந்திருக்கும் புகைப்படம் வரவேற்பைப் பெற்றுள்ளது. முதல் பார்வை போஸ்டர் வருவது பற்றிய ஒரு போஸ்டரை அதற்கு சில மணி நேரங்களுக்கு முன்பும் வெளியிட்டிருந்தார்கள். அதிலும் வடிவேலு இடம் பெற்றிருந்தார்.

'மாமன்னன்' எனப் பெயரிடப்பட்டுள்ள இப்படத்தில் வடிவேலுவும் ஒரு 'மன்னன்' ஆக இருப்பாரோ ?.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!