Dinamalar

மம்முட்டிக்காக நேரம் ஒதுக்கி நடித்தேன் ; கவுதம் மேனன்

இயக்குனர் கவுதம் மேனன் சமீபகாலமாக ஒரு குணசித்திர நடிகராகவும் மாறி தமிழ் மட்டுமல்லாது மலையாளம், தெலுங்கு உள்ளிட்ட தென்னிந்திய மொழிகளிலும் நடித்து வருகிறார். இரண்டு வருடங்களுக்கு முன்பு மலையாளத்தில் வெளியான ட்ரான்ஸ், கடந்த வருடம் தெலுங்கில் வெளியான சீதாராமம், இந்த வருடம் தமிழில் வெளியான விடுதலை என ஒவ்வொரு மொழியிலும் முத்திரை பதிக்கும் நடிப்பை வழங்கி வருகிறார். அந்த வகையில் அவருக்கு தமிழில் மட்டுமல்ல மலையாளத்தில் இருந்தும் நிறைய வாய்ப்புகள் தேடி வருகின்றன. ஆனால் சமீப காலமாக அவற்றை தவிர்த்து விட்டு ஏற்கனவே விக்ரமை வைத்து தான் இயக்கி வந்த நீண்ட நாட்களாக ரிலீஸ் தேதியை எதிர்பார்த்து காத்திருக்கும் துருவ நட்சத்திரம் படத்தின் ரிலீஸ் வேலைகளில் கவனம் செலுத்தி வருகிறார் கவுதம் மேனன்.

இந்த நிலையில் தான் மலையாளத்தில் மம்முட்டி நடித்து வரும் பசூக்கா என்கிற படத்தில் முக்கிய கதாபாத்திரத்தில் நடிக்கிறார் கவுதம் மேனன். இதுகுறித்து அவர் கூறும்போது, துருவ நட்சத்திரம் பட வேலைகளையும் பிசியாக இருந்ததால், அதை முடித்துவிட்டு மற்ற படங்களில் ஒப்புக்கொள்ளலாம் என முடிவு செய்திருந்தேன். ஆனால் மம்முட்டியுடன் நடிக்கும் வாய்ப்பு என்பதால் அதை மிஸ் பண்ண விரும்பாமல் வேலைகளை ஒதுக்கி வைத்து விட்டு பத்து நாட்கள் கால்ஷீட் கொடுத்து அவருடன் நடித்தேன்.

இந்த படத்தின் படப்பிடிப்பின் போது லைவ் சவுண்ட் முறையில் படமாக்கப்பட்டதால் எனக்கு ஆரம்பத்தில் கொஞ்சம் தடுமாற்றம் ஏற்பட்டது. ஆனால் மம்முட்டி தான் லைவ் சவுண்டில் எப்படி நடிக்க வேண்டும் என எனக்கு பல நுணுக்கங்களை சொல்லிக் கொடுத்தார். அந்த பத்து நாட்களும் மிகப்பெரிய கற்றல் அனுபவமாக எனக்கு இருந்தது” என்று கூறியுள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!