Dinamalar

விளம்பர படம் : ராஜமவுலிக்கு 30 கோடி சம்பளம்?

இந்திய சினிமாவின் முன்னணி இயக்குனர் எஸ்.எஸ்.ராஜமவுலி. இவர் இயக்கிய தெலுங்கு படங்கள் அனைத்துமே சூப்பர் ஹிட்டானது. 'பாகுபலி' படங்களின் மூலம் பான் இந்தியா டிரெண்ட்டை உருவாக்கினார். 'ஆர்ஆர்ஆர்' படத்தின் மூலம் ஆஸ்கரின் கதவை தட்டினார். அடுத்து மகேஷ் பாபு நடிப்பில் சூப்பர் ஹீரோ படம் ஒன்றை இயக்க இருக்கிறார். 3 பாகமாக வெளிவர இருக்கும் இந்த படத்தின் பட்ஜெட் ஆயிரம் கோடி என்கிறார்கள்.

இந்த நிலையில் ராஜமவுலி ஒரு செல்போன் விளம்பரத்தில் நடித்த செய்தி அண்மையில் வெளியாகி ஆச்சர்யத்தை உண்டாக்கியது. இந்த விளம்பர படத்தில் நடிக்க எஸ்.எஸ்.ராஜமவுலிக்கு அந்த நிறுவனம் 30 கோடி சம்பளம் கொடுத்துள்ளதாக தகவல் வெளியாகி உள்ளது. அதாவது விளம்பர படத்தில் நடிக்க மட்டுமல்ல, அந்த நிறுவனத்தின் விளம்பர தூதராக ஓர் ஆண்டுகள் பணியாற்றவும் சேர்த்து இந்த சம்பளம் கொடுக்கப்படுகிறதாம். இதுதவிர அந்த செல்போன் நிறுவனத்தின் விளம்பர படம் ஒன்றையும் ராஜமவுலி இயக்கித் தர வேண்டும் என்பதும் இந்த சம்பளத்தில் அடங்கும் என்கிறார்கள்.

ராஜமவுலி 'ஆர்ஆர்ஆர்' படம் இயக்க ரூ.100 கோடி சம்பளம் பெற்றார் என்றும், அடுத்து இயக்க இருக்கும் மகேஷ் பாபு படத்திற்கு ரூ.300 கோடி சம்பளம் கேட்டிருப்பதாகவும் கூறப்படுகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்