Dinamalar

ஆகஸ்ட் மாதம் நடிகர் கவின் திருமணம்?

டிவி சீரியல்களில் நடித்து பிரபலமானவர் நடிகர் கவின். 'நட்புன்னா என்னன்னு தெரியுமா' படத்தின் மூலம் சினிமாவில் கதாநாயகனாக அறிமுகமானார். அந்தப் படம் தோல்வியடைந்தாலும் அடுத்து ஓடிடியில் வெளியான 'லிப்ட்' படம் அவருக்கு வரவேற்பைப் பெற்றுத் தந்தது. இந்த வருடம் வெளிவந்த 'டாடா' படம் தியேட்டர்களில் வெளியாகி வசூல் ரீதியாகவும் வெற்றி பெற்றது.

தற்போது இரண்டு படங்களில் பிஸியாக நடித்துக் கொண்டிருக்கும் கவினுக்கு அடுத்த மாதம் ஆகஸ்ட் 20ம் தேதி திருமணம் நடைபெற உள்ளதாகத் தகவல் வெளியாகி உள்ளது. சினிமாவில் கதாநாயகனாக நடித்து ஒரு வெற்றியைக் கொடுத்த பின்னரே திருமணம் செய்து கொள்ள வேண்டும் என்ற முடிவில் இருந்தாராம். தற்போது அவரது வீட்டில் பார்க்கும் பெண்ணைத் திருமணம் செய்து கொள்ள உள்ளார் என்று தகவல் வெளியாகி உள்ளது.

2019ல் நடைபெற்ற 'பிக் பாஸ் சீசன் 3' நிகழ்ச்சியில் பங்கேற்ற போது அதில் மற்றுமொரு போட்டியாளராகக் கலந்து கொண்ட இலங்கைத் தமிழ்ப் பெண்ணான லாஸ்லியாவைக் காதலிப்பதாக பரபரப்பு எழுந்தது. இருவருடைய காதல் விவகாரம் நிகழ்ச்சியில் சில சண்டைகளையும் ஏற்படுத்தியது. ஆனால், வெளியில் வந்த பின் இருவரும் காதலிக்கவில்லை, பிரிந்துவிட்டனர் என்று தகவல் வெளியானது. லாஸ்லியாவும் சினிமாவில் கதாநாயகியாக நடிக்கத் துவங்கினார்.

மணப்பெண் யார், திருமண தேதி, இடம் குறித்த அதிகாரப்பூர்வ அறிவிப்பு கவின் தரப்பிலிருந்து விரைவில் வெளியாகலாம் என்கிறார்கள்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்