Dinamalar

அஜித் படம் குறித்த கேள்விக்கு கையெடுத்து கும்பிட்ட சிறுத்தை சிவா!

ஒளிப்பதிவாளராக பல படங்களில் பணியாற்றியவர் சிறுத்தை சிவா. தெலுங்கில் கோபிசந்த் நடித்த சௌர்யம் என்ற படத்தில் இயக்குனரானவர், தமிழில் கார்த்தி நடித்த சிறுத்தை படத்தை முதன்முதலாக இயக்கினார். அதன் பிறகு அஜித் நடித்த வீரம், வேதாளம், விவேகம், விஸ்வாசம் என நான்கு படங்களை அடுத்தடுத்து இயக்கினார். இதில் வீரம், விஸ்வாசம் என்ற இரண்டு படங்களும் ஹிட் அடித்தன. அதையடுத்து அண்ணாத்த படத்தை இயக்கியவர், தற்போது சூர்யா நடிப்பில் கங்குவா என்ற படத்தை இயக்கி வருகிறார்.

இந்நிலையில் தற்போது மகிழ்திருமேனி இயக்கும் விடாமுயற்சி படத்தில் நடித்து வரும் அஜித்குமார் அந்த படத்தை முடித்ததும் மீண்டும் சிறுத்தை சிவா இயக்கும் படத்தில் நடிக்க இருப்பதாக தொடர்ந்து செய்திகள் வெளியாகி வருகின்றன. இப்படியான நிலையில், கார்த்தி நடித்துள்ள ஜப்பான் படத்தின் இசை வெளியீட்டு விழாவில் கலந்து கொண்ட சிறுத்தை சிவாவிடத்தில், அப்படம் குறித்து கேட்கப்பட்ட கேள்விக்கு, எந்த பதிலும் சொல்லாமல், அனைவரையும் பார்த்து கையெடுத்து ஒரு கும்பிடு போட்டு விட்டு கிளம்பிவிட்டார். இதை வைத்து பார்க்கும்போது, தற்போதைக்கு அஜித்தும், சிறுத்தை சிவாவும் இணைவதற்கு வாய்ப்பில்லை என்பது தெரிகிறது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மீண்டும் வெளியாகிறது 'ஊமை விழிகள்'
• 
  பாடகர் ஆனார் புகழ்
• 
  வெப் தொடரில் நடிக்கும் சைத்ரா ரெட்டி
• 
  அயோத்திக்கு விருது ஏனில்லை? கோலிவுட்டில் வெடிக்கும் பஞ்சாயத்து
• 
  பிளாஷ்பேக் : மதன்பாப், சினிமாவில் காமெடியன், நிஜத்தில் ஹீரோ