Dinamalar

ஜப்பானில் புதுமையான காதல்: அனு இம்மானுவேல்

4 வருடங்களுக்கு முன்பு 'நம்ம வீட்டு பிள்ளை' படத்தில் சிவகார்த்திகேயன் ஜோடியாக நடித்த அனு இம்மானுவேல் தற்போது கார்த்தி ஜோடியாக 'ஜப்பான்' படத்தில் நடித்துள்ளார். இந்த படத்தை ராஜூ முருகன் இயக்கி உள்ளார். ஜீ.பி.பிரகாஷ் இசை அமைத்துள்ளார், ரவி வர்மன் ஒளிப்பதிவு செய்துள்ளார். ட்ரீம் வாரியர் பிச்சர்ஸ் சார்பில் எஸ்.ஆர்.பிரபு தயாரித்திருக்கிறார். வருகிற 10ம் தேதி படம் வெளிவருகிறது.
படத்தில் நடித்தது பற்றி அனு இம்மானுவேல் நிருபர்களுக்கு அளித்த பேட்டி: பொதுவாக நான் எண்ணிக்கைக்காக படங்களில் நடிப்பதில்லை. தேர்ந்தெடுத்த படங்களிலேயே நடிக்கிறேன். இந்த படத்தின் வாய்ப்பு வருவதற்கு முன்பே ராஜூ முருகனின் படங்களை பார்த்திருக்கிறேன். அவரது படங்களில் நாயகிகளுக்கு நல்ல முக்கியத்துவம் இருக்கும். அதனால் ஒப்புக் கொண்டேன். அதோடு கார்த்தி பற்றிய நிறைய கேள்விப்பட்டிருக்கிறேன். தயாரிப்பு நிறுவனம் பெரியது என்பதால் நடிக்க ஒப்புக் கொண்டேன்.
வழக்கமான ஒரு ஹீரோயின் கதாபாத்திரமல்ல இதில். கதைப்படி நானும், கார்த்தியும் காதலர்கள்தான் ஆனால் அது வழக்கமான ஒரு காதலாக இருக்காது. அது வேறு கோணத்தில் சொல்லப்பட்டிருக்கும். என்னை சுற்றித்தான் கதை நடக்கிறது. கார்த்தியுடன் நடித்தது நல்ல அனுபவம், அமைதியானவர், தனது வேலையில் சரியாக இருப்பார். சரியான நேரத்திற்கு படப்பிடிப்புக்கு வருவார். சினிமாவின் எல்லா துறைகள் பற்றியும் தெரிந்து வைத்திருக்கிறார். ஜப்பான் படம் தமிழில் எனக்கு நல்ல திருப்பம் தரும். இனி அடிக்கடி என்னை தமிழ் படங்களில் பார்க்கலாம். என்றார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி