Dinamalar

நியூயார்க்கில் பெண்ணுடன் சுற்றிய விஷால் : ரசிகர் கண்டுபிடித்ததால் முகத்தை மூடியபடி ஓட்டம்

நடிகர் விஷால் ஒரு பக்கம் நடிகர் சங்க பொறுப்புகள், இன்னொரு பக்கம் தொடர்ந்து அடுத்தடுத்த படங்களின் படப்பிடிப்பு என பிசியாக இருந்து வருகிறார். அவரைப் போன்று பேச்சிலராக இருந்த அவரது நண்பர்கள் அனைவரும் திருமணமாகி செட்டில் ஆகிவிட்ட நிலையில் நடிகர் சங்க கட்டடத்தை கட்டி முடித்து அதில் இடம்பெற உள்ள திருமண மண்டபத்தில் தான் தனது திருமணம் நடைபெறும் என்று உறுதியாக கூறி வருகிறார் விஷால்.

இடையில் அவருக்கு வேறு ஒரு பெண்ணுடன் திருமணம் நிச்சயமாகி துரதிர்ஷ்டவசமாக அதுவும் பாதியில் நின்று போனது. ஒரு சில நடிகைகளுடன் சேர்த்து கிசுகிசுக்கப்பட்டு வந்த நிலையில் அனைத்திற்கும் முற்றுப்புள்ளி வைக்கும் விதமாக தான் யாரையும் காதலிக்கவில்லை என்று கூறிவிட்டார் விஷால். இந்த நிலையில் இளம்பெண் ஒருவருடன் முகத்தை மூடியபடி விஷால் ஓடும் வீடியோ ஒன்று தற்போது வலைதளத்தில் வெளியாகி வைரலானது.

அந்த வீடியோவில், நியூயார்க்கில் ஒரு இளம்பெண்ணுடன் விஷால் ஜாலியாக நடந்து செல்கிறார். அப்போது அங்கே அவரை கண்டுபிடித்து விட்ட ஒரு ரசிகர் தூரத்தில் இருந்து அவரை பெயர் சொல்லி அழைக்க விஷால் அதிர்ச்சியாகி உடனடியாக தான் அணிந்திருந்த கோட் மூலமாக தனது முகத்தை மறைத்துக் கொண்டு அந்த பெண்ணையும் வேகமாக இழுத்தபடி ஓடி உள்ளார்.

இந்த அளவிற்கு அவர் முகத்தை மறைத்தபடி ஒரு பெண்ணுடன் ஓடுவதால் ஒருவேளை அவர் விஷாலின் காதலியா அல்லது யார் அந்த பெண் என பலரும் சோசியல் மீடியாவில் கமெண்ட் அடித்து வருகின்றனர்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  நான்காவது முறையாக இணையும் அஜித், அனிருத் கூட்டணி!
• 
  ‛கிஸ்' படத்தின் ரிலீஸ் தேதி குறித்து புதிய தகவல் இதோ!
• 
  ‛கில்' படத்தின் தமிழ் ரீமேக்கில் ஹீரோ, வில்லன் யார் தெரியுமா?
• 
  அரசியல் கதைகள பின்னனியில் தனுஷ் 54வது படம்!
• 
  ஆகஸ்ட் 8ல் 6 படங்கள் ரிலீஸ்…