Dinamalar

பிப்ரவரி 9ல் 'ல-லா' போட்டி… “லவ்வர், லால் சலாம்”…

2024ம் ஆண்டு ஆரம்பமாக ஒரு மாதம் கடந்துவிட்ட நிலையில் ஒரு பெரும் வெற்றிக்காகத் தமிழ் சினிமா காத்துக் கொண்டிருக்கிறது. ஜனவரி மாதம் வெளியான படங்களில் ஒரு படம் கூட 100 கோடி வசூலைக் கடக்கவில்லை. வரவேற்பு, வசூல் என்று சொல்லப்பட்ட படங்கள் 'லாபம்' தந்ததா என்ற கேள்விக்கு பதிலில்லை.

இந்நிலையில் வரும் வாரம் பிப்ரவரி 9ம் தேதி ரஜினிகாந்த் சிறப்புத் தோற்றத்தில் நடித்துள்ள 'லால் சலாம்' படம், மற்றும் மணிகண்டன் நடித்துள்ள 'லவ்வர்' ஆகிய இரண்டு படங்கள் வெளியாக உள்ளன.

'லால் சலாம்' படத்தை ஐஸ்வர்யா ரஜினிகாந்த் இயக்க விஷ்ணு விஷால், விக்ராந்த் முதன்மைக் கதாபாத்திரங்களில் நடித்துள்ளார்கள். கிரிக்கெட்டை மையமாக வைத்து எடுக்கப்பட்டுள்ள இப்படம் மத ஒற்றுமையைப் பற்றிய கருத்துக்களைக் கூறும் படம் என்கிறார்கள். சிறப்புத் தோற்றமாக இருந்தாலும் ரஜினிகாந்த் தியேட்டர்கள் பக்கம் மக்களை வரவழைப்பார் என்ற எதிர்பார்ப்பு உள்ளது.

மணிகண்டன், ஸ்ரீ கவுரி ப்ரியா, கண்ணா ரவி மற்றும் பலர் நடித்துள்ள 'லவ்வர்' படத்தை அறிமுக இயக்குனர் பிரபுராம் வியாஸ் இயக்கியுள்ளார். கடந்த வருடம் வெளிவந்து வரவேற்பைப் பெற்ற 'குட்நைட்' பட நிறுவனத்தின் அடுத்த தயாரிப்பு இது. வெளியீட்டிற்கு முன்பே இப்படம் பற்றிய எதிர்பார்ப்புகள் அதிகமாகியுள்ளது. இன்றைய கால காதலைப் பற்றிய கதையைத்தான் இயக்குனர் படமாக்கி இருக்கிறாராம். 'லவ் டுடே' போல இப்படமும் வரவேற்பு பெறும் என்கிறார்கள்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!