Dinamalar

தங்கர் பச்சான் மகனின் 'பேரன்பும் பெருங்கோபமும்'

இயக்குனர் தங்கர்பச்சான் அவரது மகன் விஜித் பச்சான் நாயகனாக அறிமுகமான ‛தக்கு முக்கு திக்கு தாளம்' படத்தை இயக்கினார். நகர்புறத்து காமெடி படமாக இது உருவானது. இந்த நிலையில் அடுத்த படத்தில் நடித்து முடித்துள்ளார் விஜித் பச்சான். இந்த படத்திற்கு 'பேரன்பும் பெருங்கோபமும்' என்று டைட்டில் வைத்துள்ளனர்.

ரியோட்டா மீடியா தயாரிக்கும் இந்த படத்திற்கு இளையராஜா இசை அமைத்துள்ளார். பாலு மகேந்திராவின் 'சினிமா பட்டறை' மாணவரான சிவபிரகாஷ் இயக்கி உள்ளார். விஜித் பச்சான் ஜோடியாக புதுமுக நடிகை ஷாலி நிவேகாஸ் அறிமுகமாகிறார். இவர்களுடன் மைம் கோபி, அருள்தாஸ், லோகு, சுபத்ரா, தீபா, சாய் வினோத் உள்ளிட்ட பலர் நடித்திருக்கிறார்கள். ஜே.பி.தினேஷ் ஒளிப்பதிவு செய்திருக்கிறார்.

படத்தைப் பற்றி இயக்குநர் கூறும்போது ''கதை நாயகனின் வாழ்வில் மூன்று வெவ்வேறு காலகட்டங்களில் நடைபெறும் சம்பவங்களின் தொகுப்பாக இப்படத்தின் கதை எழுதப்பட்டிருக்கிறது. சமூகத்தால் இழைக்கப்பட்ட தீமைகளை நாயகன் எப்படி எதிர்கொண்டான்? என்பதை விறுவிறுப்பான காட்சிகளுடனும், சுவாரசியமான திருப்பங்களுடனும் திரைக்கதை உருவாக்கப்பட்டுள்ளது. படப்பிடிப்பு பணிகள் நிறைவடைந்து தற்போது இறுதி கட்டப் பணிகள் நடைபெற்று வருகிறது” என்றார்.

• வந்த படங்கள்

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!