சிரிப்பிற்கு தனி அடையாளம் தந்த நடிகர் மதன் பாப் காலமானார் | அதிரடி மாஸ் காட்டும் ரஜினியின் ‛கூலி' பட டிரைலர் | சூர்யாவின் 46வது படத்தில் இணைந்த பவானிஸ்ரீ | முதல் தேசிய விருது : அட்லிக்கு நன்றி தெரிவித்த ஷாருக்கான் | கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம் | துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக காத்திருக்கிறார்? | கூலிக்கு ஏ சான்றிதழ், 2:48 நிமிடம் நீளம் : இதெல்லாம் பட வசூலை பாதிக்குமா? | கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது | இரு தேசிய விருதுகளுக்குக் காரணமான அட்லீ, அனிருத் | பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம் |
சிதம்பரம் இயக்கத்தில் சவுபின் ஷாகிர், ஸ்ரீநாத் பாசி, பாலு வர்கீஸ் உள்ளிட்ட பலர் நடிப்பில் மலையாளத்தில் கடந்த மாதம் 22ம் தேதி வெளியான படம் 'மஞ்சும்மேல் பாய்ஸ்'.
இப்படத்திற்கு உலகம் முழுவதிலும் மிகச் சிறந்த வரவேற்பு கிடைத்து வசூலிலும் சாதனை படைத்து வருகிறது. அமெரிக்காவில் முதன் முதலில் 1 மில்லியன் யுஎஸ் டாலர் வசூலைக் கடந்த மலையாளப் படம் என்ற சாதனையைப் புரிந்தது. அதன்பின் உலக அளவில் அதிக வசூலைக் குவித்த மலையாளப் படம் என்ற சாதனையைப் புரிந்தது. சுமார் 180 கோடி வசூலை நெருங்கிவிட்டதாகத் தகவல்.
அதற்கடுத்து தற்போது தமிழகத்தில் 50 கோடி வசூலைக் கடந்த முதல் மலையாளப் படம் என்ற புதிய சாதனையைப் புரிந்துள்ளது. இந்த 2024ம் ஆண்டு பிறந்து 75 நாட்கள் கடந்துள்ள நிலையில் தமிழில் வெளிவந்த படங்களில் 'கேப்டன் மில்லர், அயலான்' ஆகிய படங்கள் மட்டுமே 75 கோடி வசூலைக் கடந்தது. ஆனால், அப்படங்கள் லாபத்தைத் தரவில்லை என்கிறார்கள்.
இந்நிலையில் தமிழக உரிமையாக சில கோடிகளில் மட்டுமே வாங்கப்பட்ட இந்தப் படம் பெரும் லாபத்தைக் கொடுத்து தமிழ் சினிமா தியேட்டர்களை சிரமத்தில் இருந்து காப்பாற்றியுள்ளது. இப்படம் விரைவில் 200 கோடி வசூலைக் கடக்கும் முதல் மலையாளப் படம் என்ற பெருமையையும் பெற வாய்ப்பிருக்கிறது.