Dinamalar

மோகன்லாலுடன் 56வது முறையாக ஜோடி சேரும் ஷோபனா

மலையாளத் திரையுலகின் முன்னணி நடிகர்களில் ஒருவர் மோகன்லால். விதவிதமான கதாபாத்திரங்களில் நடித்துள்ளவர். மோகன்லாலுடன் இதற்கு முன்பு 55 படங்களில் ஜோடி சேர்ந்து நடித்தவர் ஷோபனா. அடுத்து 56வது படத்தில் ஜோடி சேர்ந்து நடிக்க உள்ளார்கள்.

தருண் மூர்த்தி இயக்கத்தில் உருவாக உள்ள 'எல் 360' படத்தில் இருவரும் இணைந்து நடிக்கப் போகிறார்கள். இப்படத்தில் நடிக்கப் போவது குறித்து நடிகை ஷோபனா வெளியிட்டுள்ள வீடியோவில், “சில வருடங்களுக்குப் பிறகு மீண்டும் மலையாளப் படத்தில் நடிக்க இருப்பதை அறிவிப்பதில் மகிழ்ச்சி. இது லால் அவர்களின் 360வது படம். அவருக்கு எனது வாழ்த்துகளைத் தெரிவித்துக் கொள்கிறேன். நாங்கள் இருவரும் இணைந்து நடிக்கும் 56வது படம். இப்படத்தில் நடிக்க உற்சாகமாக இருக்கிறேன். உங்கள் அனைவருக்கும் பிடிக்கும் என்றும் நம்புகிறேன்,” எனத் தெரிவித்துள்ளார்.

ஷோபனா கடைசியாக மலையாளத்தில் 2020ல் வெளிவந்த 'வரேனே அவஷ்யமுண்ட்' படத்தில் நடித்திருந்தார். நான்கு வருடங்களுக்குப் பிறகு மீண்டும் மலையாளத்தில் நடிக்கப் போகிறார். தமிழில் 2014ல் வெளிவந்த மோஷன் கேப்சரிங் படமான 'கோச்சடையான்' படத்தில்தான் கடைசியாக நடித்தார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!