Dinamalar

கல்கி 2898 ஏடி, இந்தியன் 2 - அடுத்தடுத்து இரண்டு பிரம்மாண்டங்கள் ரிலீஸ்

இந்தியத் திரையுலகத்தில் அடுத்த சில மாதங்களில் சில முக்கியமான படங்கள் வெளியாக உள்ளது. தமிழ், தெலுங்கு, ஹிந்தி ஆகிய மொழிகளில் தயாராகியுள்ள அப்படங்களில் இரண்டு படங்கள் முக்கியமான பிரம்மாண்டப் படங்களாக எதிர்பார்க்கப்படுகிறது.

நாக் அஸ்வின் இயக்கத்தில் உருவாகியுள்ள 'கல்கி 2898 ஏடி படமும், ஷங்கர் இயக்கத்தில் உருவாகியுள்ள 'இந்தியன் 2' படமும்தான், அந்தப் படங்கள். இரண்டு படங்களிலுமே கமல்ஹாசன் இருக்கிறார் என்பது கூடுதல் ஸ்பெஷல்.

'கல்கி 2898 ஏடி' படம் ஜுன் 27ம் தேதி வெளியாகிறது. பிரபாஸ், தீபிகா படுகோனே, அமிதாப் பச்சன், திஷா பதானி மற்றும் பலர் இப்படத்தில் நடித்துள்ளார்கள். 'இந்தியன் 2' படத்திற்கு முன்பாகவே கமல்ஹாசனுக்கு இப்படம் வருவதால் பான் இந்தியா அளவில் அவருக்கு கூடுதலாக ஒரு வரவேற்பு கிடைக்க வாய்ப்புள்ளது.

ஜுலை 12ம் தேதி வெளியாக உள்ள 'இந்தியன் 2' படத்தில் கமல்ஹாசன், காஜல் அகர்வால், சித்தார்த், பிரியா பவானி சங்கர், ரகுல் ப்ரீத் சிங், எஸ்ஜே சூர்யா உள்ளிட்ட பலர் நடித்துள்ளனர்.

இரண்டு படங்களின் புரமோஷனையும் படக்குழுவினர் ஆரம்பித்துவிட்டார்கள். இரண்டு படங்களுமே 1000 கோடி வசூலைக் கடக்கும் என்ற எதிர்பார்ப்பு திரையுலகில் இருக்கிறது. எந்தப் படம் சாதிக்கப் போகிறது என்பதைப் பொறுத்திருந்து பார்க்க வேண்டும்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...