Dinamalar

ரூ.100 கோடி வசூலை நெருங்கியதா 'மகாராஜா'?

நித்திலன் சாமிநாதன் இயக்கத்தில் விஜய் சேதுபதி, மம்தா மோகன்தாஸ், நட்டி மற்றும் பலர் நடிப்பில் கடந்த ஜூன் 14ம் தேதி வெளியான படம் 'மகாராஜா'. இரண்டு வாரங்களைக் கடந்துள்ள நிலையில் இப்படம் 100 கோடி வசூலைப் பெற்றுவிட்டதாக பாக்ஸ் ஆபீஸ் வட்டாரங்கள் தெரிவிக்கின்றன.

இந்த ஆண்டில் இதற்கு முன் வெளிவந்த படங்களில் 'அரண்மனை 4' படம் மட்டுமே ரூ.100 கோடி வசூலைக் கடந்தது. இரண்டாவது படமாக தற்போது 'மகாராஜா' கடந்துள்ளது. ஆனால், குறுகிய காலத்தில் இந்த சாதனையை நிகழ்த்தியுள்ளது.

விஜய் சேதுபதி வில்லனாக நடித்த படங்கள் ரூ.100 கோடி வசூலைக் கடந்து சாதனை படைத்துள்ளது. ஆனால், அவர் கதாநாயகனாக நடித்த ஒரு படம் ரூ.100 கோடி வசூலைக் கடப்பது இதுவே முதல் முறை. இந்தப் படத்தின் வெற்றி மூலம் தனது முந்தைய தோல்விகளை அவர் சரி செய்துள்ளார். அவர் நடித்து வெளிவர உள்ள அடுத்த படங்களுக்கான வியாபாரமும் சிறப்பாக நடக்க வழி செய்துவிட்டார்.

தமிழில் மட்டுமல்லாது தெலுங்கிலும் இப்படத்திற்கு நல்ல வரவேற்பு கிடைத்தது. வெளிநாடுகளிலும் ரசிகர்கள் இப்படத்தை வெற்றிப் படமாக்கியுள்ளனர்.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது
• 
  இரு தேசிய விருதுகளுக்குக் காரணமான அட்லீ, அனிருத்
• 
  பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம்
• 
  பிளாஷ்பேக் : எம்.எஸ்.பாஸ்கருக்கு விருது கிடைத்திருக்க வேண்டிய ...
• 
  வசூலை குவிக்கும் இந்திய அனிமேஷன் படம்