Dinamalar

எங்கள் பெயரில் போலி விளம்பரங்கள் : லைகா எச்சரிக்கை

தமிழ் சினிமாவின் முன்னணி தயாரிப்பு நிறுவனம் லைகா. லண்டனை தலைமையிடமாக கொண்ட இந்த நிறுவனம் பெரிய பட்ஜெட் படங்களை தயாரித்து வருகிறது. சமீப நாட்களாக இந்த நிறுவனத்தில் தயாரிக்கும் படத்தில் நடிக்க நடிகர் நடிகைகள் தேர்வு நடந்து வருவதாக தகவல் வெளியானது. ஆனால் எங்கள் நிறுவனத்தின் சார்பில் நாங்கள் நடிகர் நடிகைகளை தேர்வு செய்யவில்லை என்று லைக்கா நிறுவனம் தெரிவித்துள்ளது. இது தொடர்பாக லைக்கா நிறுவனம் விடுத்துள்ள அறிக்கையில் கூறப்பட்டிருப்பதாவது:

லைகா புரொடக்ஷன்ஸ் என்ற பெயரில் பல அதிகாரபூர்வமற்ற நடிகர் தேர்வுக்கான விளம்பரங்கள் பரவி வருவது எங்கள் கவனத்திற்கு வந்துள்ளது. லைகா புரொடக்ஷன்ஸ் பேனரின் கீழ் தயாரிக்கப்படும் திரைப்படங்களுக்கான காஸ்டிங் அழைப்புகள் அல்லது ஆடிஷன்கள் எங்களின் அதிகாரபூர்வ சமூக வலைதள பக்கங்கள் மூலம் மட்டுமே அதிகாரபூர்வமாக அறிவிக்கப்படும் என்பதை தெளிவுபடுத்த விரும்புகிறோம்.

எங்களால் அதிகாரபூர்வமாக அறிவிக்கப்படாத காஸ்டிங் அழைப்புகள் அல்லது ஆடிஷன்களை புறக்கணிக்குமாறு அனைவரையும் கேட்டுக்கொள்கிறோம். லைகா புரொடக்ஷன்ஸ் என்ற பெயரில் காஸ்டிங் அழைப்புகள் அல்லது ஆடிஷன்களை நடத்தும் அங்கீகரிக்கப்படாத நபர்கள் அல்லது ஏஜென்சிகள் மீது சட்டப்படி நடவடிக்கை எடுப்போம் என்பதை நினைவில் கொள்ளவும்.

இவ்வாறு அந்த அறிக்கையில் கூறப்பட்டுள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!