Dinamalar

விடுதலை-2 ; தியேட்டரில் பாதி.. ஓடிடியில் மீதி?

வெற்றிமாறன் இயக்கத்தில் சூரி, விஜய்சேதுபதி நடிப்பில் வெளியான விடுதலை திரைப்படத்தின் முதல் பாகம் மிகப்பெரிய வெற்றியையும் வசூலையும் பெற்றது. நகைச்சுவை நடிகரான சூரியை கதையின் நாயகனாக குணச்சித்திர நடிகராக இந்த படம் மாற்றியது. இதனை தொடர்ந்து இந்த படத்தின் இரண்டாம் பாகம் எப்போது வெளியாகும் என ரசிகர்கள் ஆவலுடன் எதிர்பார்த்து வருகின்றனர். இந்த நிலையில் வரும் டிசம்பர் 5ம் தேதி இந்த படம் வெளியாகும் என அறிவிப்பு வெளியாகியுள்ளது. அதே சமயம் இந்த படத்தின் படப்பிடிப்பு தற்போதும் திண்டுக்கல் அருகே உள்ள சில பகுதிகளில் தொடர்ந்து நடைபெற்று வருகிறது.

இதுவரை வெற்றிமாறன் இந்த இரண்டாம் பாகத்திற்காக எடுத்துள்ள காட்சிகளின் நீளமே நான்கு மணி நேரம் இருப்பதாக சொல்லப்படுகிறது. தற்போது எடுத்து வரும் காட்சிகள் அனைத்தையும் இணைத்து எவ்வளவு கிரிப்பாக படத்தொகுப்பு செய்தாலும் நான்கு மணி நேரத்திற்கு குறைய வாய்ப்பில்லை என்று சொல்லப்படுகிறது.

இதனால் விடுதலை இரண்டாம் பாகத்தை இரண்டரை மணி நேரம் ஓடும் விதமாக தியேட்டரில் ரிலீஸ் செய்துவிட்டு அதன் பின்னர் மீதி படத்தை சில நாட்கள் கழித்து ஓடிடியில் ரிலீஸ் செய்ய இயக்குனர் வெற்றிமாறன் திட்டமிட்டு இருப்பதாகவும் சொல்லப்படுகிறது. அனேகமாக படம் வெளியாகும் சமயத்தில் தான் இந்த சஸ்பென்ஸ் அதிகாரப்பூர்வமாக உடையும் என்றும் எதிர்பார்க்கப்படுகிறது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!