Dinamalar

ரீ ரிலீஸில் 50-வது நாளை தொட்ட மோகன்லாலின் தேவதூதன்

கடந்த சில வருடங்களாகவே பிரபல ஹீரோக்கள் கடந்த 15, 20 வருடங்களுக்கு முன்பு நடித்த படங்கள் ரீ ரிலீஸ் செய்யப்பட்டு வரவேற்பை பெற்று வருகின்றன. சம்பந்தப்பட்ட நடிகர்களின் பிறந்தநாள் அன்றோ அல்லது அந்த படம் வெளியான நாளை கொண்டாடும் விதமாகவோ இந்த படங்கள் ரீ ரிலீஸ் செய்யப்பட்டு வெளியானாலும் ஒரு சில படங்களே மீண்டும் மிகப்பெரிய வரவேற்பு பெறுகின்றன.

அந்த வகையில் ஏற்கனவே விஜய் நடிப்பில் வெளியாகி மிகப்பெரிய வெற்றி பெற்ற கில்லி திரைப்படம் கடந்த சில மாதங்களுக்கு முன்பு மீண்டும் ரிலீஸ் செய்யப்பட்டது. வெளியான போது என்ன வரவேற்பையும் வசூலையும் பெற்றதோ அதற்கு நிகராக இந்த ரீ ரிலீஸ் சமயத்திலும் மிகப்பெரிய அளவில் வசூலித்து ஆச்சரியத்தை ஏற்படுத்தியது.

மலையாளத்தில் மோகன்லால் நடிப்பில் கடந்த 2000ல் வெளியான ‛தேவதூதன்' படம், வெளியான சமயத்தில் பெரிய வரவேற்பை பெற தவறியது. ஆனாலும் தைரியமாக இந்த படம் கடந்த ஜூலை மாதம் ரீ ரிலீஸ் செய்யப்பட்டது. முதல் நாளன்றே இந்த படத்திற்கு ரசிகர்கள் மத்தியில் மிகப்பெரிய வரவேற்பு கிடைத்தது. இந்த நிலையில் கேரளாவில் வயநாடு துயரம், சமீபத்திய ஹேமா கமிஷன் அறிக்கை ஏற்படுத்திய சலசலப்பு என அனைத்தையும் தாண்டி இந்த படம் வெற்றிகரமாக திரையரங்குகளில் ஐம்பதாவது நாளை தொட்டுள்ளது. இன்னும் சில திரையரங்குகளில் இந்த படம் தொடர்ந்து ஓடிக்கொண்டிருக்கிறது. இது குறித்த தங்களது மகிழ்ச்சியை படக்குழுவினர் போஸ்டர் மூலமாக சோசியல் மீடியாவில் வெளிப்படுத்தி உள்ளனர்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...