Dinamalar

வெற்றி தீபம்... ஜனநாயகத்தின் ஒளி... : அரசியல் படமா... ‛விஜய் 69'

தமிழ் சினிமாவில் வசூல் நாயகனாக இருப்பவர் விஜய். கடந்தவாரம் இவர் நடித்த ‛தி கோட்' படம் வெளியாகி ரூ.300 கோடி வசூலை கடந்து தியேட்டர்களில் ஓடிக் கொண்டிருக்கிறது. சில மாதங்களுக்கு முன் யாரும் எதிர்பாராத விதமாக தமிழக வெற்றிக் கழகம் என்ற அரசியல் கட்சியை ஆரம்பிக்கிறேன் என அறிவிப்பு வெளியிட்டார் விஜய். அதோடு தனது 69வது படத்துடன் சினிமாவை விட்டு விலகுகிறேன் என்றும் சொன்னார். இது அவரது சினிமா ரசிகர்களுக்கு அதிர்ச்சியை ஏற்படுத்தியது. அவரது 69வது படத்தின் இயக்குனர் யார் என்பது குறித்து பல்வேறு தகவல்கள் வெளியாகி கடைசியாக எச். வினோத் இயக்க உள்ளார் என கூறப்பட்டது.

நேற்று(செப்., 13) இந்த படத்தை பெங்களூருரை சேர்ந்த கேவிஎன் நிறுவனம் தயாரிப்பதாக அறிவிக்கப்பட்ட நிலையில் இன்று(செப்., 14) விஜய் 69 படத்தை வினோத் இயக்குவதாக அதிகாரப்பூர்வமாக அறிவித்துள்ளனர். இதுதொடர்பாக வெளியிடப்பட்டுள்ள போஸ்டரில் வெற்றிக்கான தீபத்தை ஏந்துவது போன்று உள்ளது. மேலும் ‛ஜனநாயகத்திற்கான ஒளி விளக்கு' என குறிப்பிட்டுள்ளனர். இதனால் இது அரசியல் படமாக இருக்கலாம் என தெரிகிறது. மேலும் அனிருத் இசையமைப்பதாகவும், அடுத்தாண்டு அக்டோபரில் படம் ரிலீஸ் என தெரிவித்துள்ளனர்.

69வது படத்துடன் விஜய் அரசியலுக்கு செல்ல உள்ளதால் நிச்சயம் இந்த படத்தில் அரசியல் சார்ந்த கருத்துக்கள் அதிகம் இருக்கும் என சொல்கிறார்கள். அதன் வெளிப்பாடாகவே இப்பட அறிவிப்பு போஸ்டரும் உள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!