Dinamalar

7 ஜி ரெயின்போ காலனி இரண்டாம் பாகம் இந்த ஆண்டு ரிலீஸ்

செல்வராகவன் இயக்கத்தில், யுவன் ஷங்கர் ராஜா இசையமைப்பில், ரவி கிருஷ்ணா, சோனியா அகர்வால் மற்றும் பலர் நடிப்பில் 2004ம் ஆண்டு வெளிவந்து இளைஞர்களின் வரவேற்பைப் பெற்ற படம் '7 ஜி ரெயின்போ காலனி'. அப்படம் ஒரே சமயத்தில் தெலுங்கில் '7 ஜி பிருந்தாவன் காலனி' என்ற பெயரில் வெளியாகி அங்கும் வெற்றி பெற்றது.

அப்படத்தின் இரண்டாம் பாகத்தை செல்வராகவன் இயக்க, யுவன் ஷங்கர் ராஜா இசையமைக்க, ரவி கிருஷ்ணா, அனஸ்வரா ராஜன் மற்றும் பலர் நடிக்க ஆரம்பித்தார்கள். இந்த ஆண்டின் முதல் நாளான ஜனவரி 1ம் தேதியன்று படத்தின் போஸ்டரையும் வெளியிட்டிருந்தார்கள்.

படப்பிடிப்பு பெரும்பாலும் முடிவடைந்த நிலையில் எஞ்சிய காட்சிகள் படமாக்கப்படுவதை கொஞ்சம் தள்ளி வைத்ததாகத் தகவல். இப்படத்தின் தயாரிப்பாளரான ஏஎம் ரத்னம் தெலுங்கில் பவன் கல்யாண் நடிக்கும் 'ஹரிஹர வீர மல்லு' படத்தை முடித்து வெளியிடுவதில் மும்முரமாக இருக்கிறார். இந்தப் படம் ஜுன் 12ல் வெளியாக உள்ளது. அதன் பிறகு '7 ஜி ரெயின்போ காலனி' படத்தின் படப்பிடிப்பை மீண்டும் ஆரம்பித்து குறுகிய காலத்தில் முடிக்க உள்ளார்களாம்.

விரைவில் படம் பற்றிய அப்டேட்கள் வெளியாகும் என்றும், இந்த வருடத்தில் படத்தை வெளியிட திட்டமிட்டுள்ளதாகவும், இன்று சென்னையில் நடைபெற்ற 'ஹரிஹர வீர மல்லு' படத்தின் நிகழ்வில் கலந்து கொண்ட தயாரிப்பாளர் ஏஎம் ரத்னம் தெரிவித்தார்.

• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'
• 
  ஹிந்தியில் திரிஷ்யம் 3 ரிலீஸ் தேதியை அறிவித்த அஜய் தேவ்கன்
• 
  கார் விபத்தில் நடிகை நோரா பதேஹி காயம்
• 
  ‛டாக்ஸிக்' படத்தில் நாடியாவாக கியாரா அத்வானி!
• 
  சாராவை தவறான நோக்கத்தில் கட்டிப்பிடிக்கவில்லை : பாலிவுட் நடிகர் ராகேஷ் ...

• 
  தமிழ் சினிமாவில் வெற்றி குறைய நடிகர்களின் தலையீடு தான் காரணம் : ...
• 
  விஜய் தேவரகொண்டா, கீர்த்தி சுரேசுக்கு வெற்றியை கொடுக்குமா ‛ரெளடி ...
• 
  அந்த நிஜ ஹீரோவை சந்திக்கணும் : இயக்குனர் தமிழ் விருப்பம்
• 
  சென்னை திரைப்பட விழாவில் விருது : தேசிய விருதை அள்ளுமா டூரிஸ்ட் பேமிலி
• 
  தயாரிப்பாளர் சங்க தேர்தல் : தமிழ் குமரனின் நலன் காக்கும் அணி அறிவிப்பு