Dinamalar

மம்முட்டி நலமாக இருக்கிறார் ; ராஜ்யசபா எம்பி வெளியிட்ட தகவல்

மலையாள திரையுலகில் நடிகர் மம்முட்டி தற்போதும் பிசியான முன்னணி நடிகராக தொடர்ந்து நடித்து வருகிறார். அவருக்கு 73 வயது ஆனாலும் படங்களிலும் சரி பொது நிகழ்ச்சிகளிலும் சரி சுறுசுறுப்பான இளைஞரை போலவே வலம் வருகிறார். ஆனாலும் வயது காரணமாக அவ்வப்போது அவருக்கு சில நேரங்களில் உடல்நல குறைவு ஏற்படுகிறது. அந்த சமயங்களில் எல்லாம் சோசியல் மீடியாக்களில் கண், காது, மூக்கு வைத்து அதை சீரியஸான செய்திகளாக்கி விடுகின்றனர். அப்படித்தான் சில மாதங்களுக்கு முன்பு மம்முட்டி கேன்சர் நோயால் பாதிக்கப்பட்டுள்ளார் என்கிற தகவல் வெளியானது. அதன் பிறகு அந்த செய்தியில் உண்மை இல்லை என்பது தெரிய வந்ததுடன் மம்முட்டி வழக்கம் போல ஆக்டிவாக படங்களில் நடித்து வருகிறார்.

இந்த நிலையில் கடந்த சில நாட்களாக மம்முட்டி மீண்டும் ஓய்வில் இருக்கிறார். இதனை தொடர்ந்து மீண்டும் அவருக்கு உடல் நல குறைவு என்பது போன்று சோசியல் மீடியாவில் செய்திகள் வெளியாக துவங்கியுள்ளன. இந்த நிலையில் கேரள மாநில ராஜ்யசபா எம்பியும் மம்முட்டியின் நெருங்கிய நண்பருமான ஜான் பிரிட்டாஸ், மம்முட்டியில் உடல் நலம் குறித்து தானாகவே ஒரு தகவலை வெளியிட்டுள்ளார்.

“மம்முட்டிக்கு சிறிய அளவிலான உடல் நல குறைவு தானே தவிர வேறு கவலைப்படும் படியாக எதுவும் இல்லை. அதற்கான சிகிச்சை அவர் எடுத்து வருகிறார். இது வயதாகும் போது சிலருக்கு ஏற்படுவது தான். அவர் இப்போது நன்றாகவே இருக்கிறார். அவருடன் கொஞ்ச நேரத்திற்கு முன்பு நான் செல்போனில் பேசி விட்டு தான் உங்களுக்கு இந்த தகவலை சொல்கிறேன்” என்று கூறியுள்ளார்.

இவர் மட்டுமல்லாது மம்முட்டி தரப்பிலிருந்து அவர்களது நிர்வாகிகள் வெளியிட்டுள்ள விளக்க அறிக்கையிலும் கூட, அவருக்கு பெரிய உடல் நலக் குறைவு எதுவும் இல்லை. ரம்ஜான் காரணமாக அவர் விரதம் கடைபிடித்து வந்ததால் அதனால் ஏற்பட்ட உடல்நல குறைவுக்கு சிகிச்சை எடுத்துக் கொண்டு தற்போது அவர் நலமாக இருக்கிறார். ஓய்வில் இருக்கிறார் என்று கூறியுள்ளனர்.

• செய்திகள்
• வந்த படங்கள்

• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'
• 
  கர்ப்பமாக இருக்கும் கியாரா அத்வானிக்காக டாக்ஸிக் படப்பிடிப்பை ...

• 
  கன்னடத்தில் அடி எடுத்து வைத்த 'அனிமல்' பட நடிகர் உபேந்திரா
• 
  'தி ராஜா சாப்' டீசரை விழிப்புணர்வு பிரச்சாரத்திற்கு பயன்படுத்திய ...
• 
  மோகன்லால் மம்முட்டி பட டைட்டிலை தவறிப்போய் வெளியிட்ட இலங்கை ...
• 
  விமர்சனத்திற்கு பணம் கேட்பதா ? கேரளாவிலும் இயக்குனர் கிளப்பிய சர்ச்சை.. ...
• 
  காந்தாரா 2 படப்பிடிப்பில் படகு விபத்து நடந்ததா? : தயாரிப்பாளர் தரப்பு ...