சூப்பர் குட் பிலிம்ஸ் 99வது தயாரிப்பில் விஷால்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

14 ஜூலை, 2025 - 12:47 IST

எழுத்தின் அளவு:

Vishal-in-Super-Good-Films-99th-production

தமிழ் சினிமா உலகில் தரமான பல படங்களைக் கொடுத்த ஒரு தயாரிப்பு நிறுவனம் சூப்பர் குட் பிலிம்ஸ். அந்நிறுவனத்தின் தயாரிப்பில் உருவாகும் 99வது படத்தில் விஷால் கதாநாயகனாக நடிக்க துஷாரா விஜயன் கதாநாயகியாக நடிக்கிறார். 'ஈட்டி, ஐங்கரன்' படங்களை இயக்கிய ரவி அரசு இப்படத்தை இயக்குகிறார். இப்படத்தின் பூஜை இன்று சென்னையில் நடைபெற்றது. நடிகர் கார்த்தி, கிளாப் அடித்து படப்பிடிப்பைத் துவக்கி வைத்தார்.

படம் பற்றி விஷால், “இதோ ஆரம்பிக்கிறோம்! மதகஜராஜா வெற்றியைத் தொடர்ந்து, எனது அடுத்த படமான விஷால் 35ஐ சூப்பர் குட் பிலிம்ஸ் நிறுவனத்தின் கீழ் தயாரிப்பாளர் ஆர்பி சவுத்ரி அவர்களின் 99வது படமாக, இயக்குநர் ரவி அரசு இயக்கத்தில் தொடங்குகிறோம். இது எங்களின் முதல் கூட்டணி. முதன்முறையாக என்னுடன் திரையைப் பகிர்ந்து கொள்ளும் துஷாரா விஜயன், மதகஜராஜா படத்திற்குப் பிறகு மீண்டும் ரிச்சர்ட் எம் நாதன் ஒளிப்பதிவாளராகவும், மார்க் ஆண்டனி படத்திற்குப் பிறகு என் அன்பு ஜீவி பிரகாஷ்குமார் இசையமைப்பாளராகவும் இணைகிறார்கள். படத்தொகுப்பு ஸ்ரீகாந்த், தயாரிப்பு வடிவமைப்பு துரைராஜ், ஸ்டைலிங் வாசுகி பாஸ்கர்.

அற்புதமான நடிகர்கள் மற்றும் குழுவினர். முழு நேர்மறை ஆற்றலுடன், உங்களின் ஆசிர்வாதமும் ஆதரவும் கொண்டு சென்னையில் 45 நாட்கள் முதல் கட்ட படப்பிடிப்பைத் தொடங்குகிறோம். இந்தப் படத்திற்காக ஆவலுடன் காத்திருக்கிறேன். இறைவன் ஆசீர்வதிக்கட்டும்!,” என எக்ஸ் தளத்தில் பதிவிட்டுள்ளார்.

Vishal35

SGFProduction99

Vishal

Super Good Films

விஷால்35

விஷால்

சூப்பர் குட் பிலிம்ஸ்

கருத்துகள் (0) கருத்தைப் பதிவு செய்ய

'தாமரை நெஞ்சம்' ஒரு படம் போதுமே: ...

எம்ஜிஆர் - சரோஜா தேவி இணைந்து நடித்த 26 ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய