Dinamalar

'குட்டி ஸ்டோரி' - விரும்பி நடித்த விஜய் சேதுபதி

கவுதம் மேனன், விஜய், வெங்கட் பிரபு, நலன் குமாரசாமி இயக்கியுள்ள நான்கு கதைகளைக் கொண்ட 'குட்டி ஸ்டோரி' படத்தின் டிரைலர் வெளியீடு இன்று(பிப்., 5) நடைபெற்றது. இதற்கான பத்திரிகையாளர் சந்திப்பில் நான்கு இயக்குனர்களும் படத்தின் தயாரிப்பாளர் ஐசரி கணேஷும் கலந்து கொண்டனர்.

கவுதம் மேனன் இயக்கியுள்ள கதையில் அவரும், அமலா பால் நடித்துள்ளனர். விஜய் இயக்கியுள்ள கதையில் அமிதாஷ், மேகா ஆகாஷ் ஆகியோரும், வெங்கட் பிரபு இயக்கியுள்ள கதையில் வருண், சாக்ஷியும், நலன் குமாரசாமி இயக்கியுள்ள கதையில் விஜய் சேதுபதி, 'அருவி' அதிதி பாலன் ஆகியோரும் நடித்துள்ளனர்.

இந்தக் குறும்படத்தில் விஜய் சேதுபதி அவராகவே விரும்பி நடிக்க வந்தார் என இயக்குனர் நலன் குமாரசாமி பேசுகையில் தெரிவித்தார். “இந்தப் படத்தை இயக்க முடிவு செய்ததும் என்னுடைய கதையில் நடிக்க வைப்பதற்காக ஒரு நாயகி எப்படி நடிக்கிறார் என விஜய் சேதுபதியிடம் கேட்டேன். அவர், இப்ப என்ன பண்ற என என்னிடம் கேட்க இந்தக் கதையைப் பற்றி அவரிடம் கூறினேன். கதையைக் கேட்டதும் அவரே இதில் நடிக்கிறேன் எனச் சொல்லி விரும்பி நடிக்க வந்தார்,” என்றார்.

நலன் குமாரசாமி இயக்கத்தில் இதுவரை இயக்கிய 'சூது கவ்வும், காதலும் கடந்து போகும்' இரண்டு படங்களிலும் விஜய் சேதுபதி தான் கதாநாயகன் என்பது குறிப்பிடத்தக்கது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை