Dinamalar

ஆர்ஆர்ஆர் - நட்பு பாடல் 5 மொழிகளில் வெளியீடு

ராஜமவுலி இயக்கத்தில், கீரவானி இசையமைப்பில், ஜுனியர் என்டிஆர், ராம்சரண், ஆலியா பட், அஜய் தேவகன் மற்றும் பலர் நடிக்கும் படம் ஆர்ஆர்ஆர். இப்படத்தின் கரு ஜுனியர் என்டிஆர், ராம்சரண் சம்பந்தப்பட்ட நட்பு என்பதால் அதையே பொருளாகக் கொண்டு நட்பு என்ற பெயரில் தமிழ், தோஸ்தி என்ற பெயரில் ஹிந்தி, தெலுங்கு, கன்னடம், பிரியம் என்ற பெயரில் மலையாளம், ஆகிய மொழிகளில் பாடல்களை வெளியிட்டுள்ளார்கள்.

தமிழ்ப் பாடலை அனிருத், தெலுங்குப் பாடலை ஹேமசந்திரா, கன்னடப் பாடலை யாசின் நிசார், மலையாளப் பாடலை விஜய் யேசுதாஸ், ஹிந்திப் பாடலை அமித் திரிவேதி ஆகியோர் பாடியுள்ளனர்.

பிரம்மாண்ட இணைந்த கைகள் அரங்கின் பின்னணியாக இருக்க, இரு பக்கங்களிலும் பிரம்மாண்ட தூண்கள், ஆங்காங்கே தீப்பற்றி எரிந்து கொண்டிருக்கும் அரங்கில் இசையமைப்பாளர் கீரவானியுடன் ஒவ்வொரு மொழியிலும் பாடும் பிரபலங்கள், நடனக் குழுவினருடன் பாடி நடித்துள்ளனர்.

ஹம்மிங் வரும் காட்சிகளில் ஐந்து மொழிகளிலும் பாடும் பாடகர்கள் ஒன்றாக ஹம்மிங் செய்வதும், பாடலின் கடைசியில் படத்தின் நாயகர்களான ஜுனியர் என்டிஆர், ராம்சரண் இசையமைப்பாளர் கீரவானியின் தோளில் நட்பாய் கை வைக்கும் காட்சிகள் ஒரு நட்புப் பாடலுக்கான பொருத்தமான படமாக்கலாக உள்ளது.

கீரவானி தமிழில் மரகதமணி என்று அழைக்கப்படுபவர். தமிழ் வீடியோவில் மட்டும் அவரது பெயர் மரகதமணி என்றே குறிப்பிடப்பட்டுள்ளது. பாடலை மதன் கார்க்கி எழுதியுள்ளார்.

பாடல் வெளியான ஒரு மணி நேரத்திலேயே, தமிழ், தெலுங்கு, ஹிந்தி ஆகிய மொழிகளில் 5 லட்சம் பார்வைகளையும், கன்னடம், மலையாளத்தில் 3 லட்சம் பார்வைகளையும் நெருங்கியுள்ளது.

#Dosti | #Natpu | #Priyam

Telugu- https://t.co/vuwMb8q383
Tamil- https://t.co/VKF46yfc2c
Hindi- https://t.co/2omQXIAHJN
Kannada- https://t.co/BTsQ18OqWZ
Malayalam- https://t.co/LBbwrdH4hl #RRRMovie @mmkeeravaani @ssrajamouli @tarak9999 @AlwaysRamCharan @TSeries @LahariMusic
— RRR Movie (@RRRMovie) August 1, 2021

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...