Dinamalar

அக்கா மகள் பவானிஸ்ரீயை வாழ்த்திய ஏஆர் ரஹ்மான்

தமிழ் சினிமாவில் இசையமைப்பாளர் ஏஆர் ரஹ்மான் குடும்பத்தையும் முக்கியமான குடும்பம் என்று சொல்லலாம். அவரது அக்கா ஏஆர் ரைஹானா சில படங்களுக்கு இசையமைத்துள்ளார், சில பாடல்களைப் பாடியுள்ளார். ரைஹானாவின் மகன் ஜிவி பிரகாஷ்குமார் முன்னணி இசையமைப்பாளர்களில் ஒருவராகவும், நடிகராகவும் உள்ளார்.

ஜிவி பிரகாஷின் தங்கையான பவானிஸ்ரீ இரண்டு நாட்களில் வெளியாக உள்ள 'விடுதலை' படத்தில் சூரி ஜோடியாக நடித்துள்ளார். பவானிஸ்ரீ இதற்கு முன்பு “கபெ ரணசிங்கம்” படத்திலும், ''பாவக் கதைகள்” வெப் தொடரிலும் நடித்துள்ளார்.

'விடுதலை' படத்தில் சூரி கதையின் நாயகன் என்றால், பவானிதான் கதையின் நாயகி. பவானி அவருடைய டுவிட்டர் தளத்தில் நேற்று 'விடுதலை' படத்தின் புகைப்படம் ஒன்றைப் பதிவிட்டிருந்தார். அதற்கு ஏஆர் ரஹ்மான், பவானிக்கு வாழ்த்து தெரிவித்துள்ளார். விரைவில் படத்தையும் பார்த்துவிட்டு பாராட்டுவார் என எதிர்பார்க்கலாம்.

வெற்றிமாறன் இயக்கியுள்ள இப்படத்திற்கு இளையராஜா இசையமைத்துள்ளார். சூரி, விஜய் சேதுபதி, பிரகாஷ்ராஜ், கவுதம் மேனன், ராஜீவ் மேனன் மற்றும் பலர் நடித்துள்ளார்கள்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!