Dinamalar

ஜுனியர் என்டிஆருக்குத் தொடரும் பான் இந்தியா அந்தஸ்து

ராஜமவுலி இயக்கத்தில் வெளிவந்த 'ஆர்ஆர்ஆர்' படத்தின் மூலம் பான் இந்தியா நடிகராக உயர்ந்தார் தெலுங்கு நடிகரான ஜுனியர் என்டிஆர். அந்தப் படத்தில் மற்றொரு கதாநாயகனாக நடித்த ராம் சரணுக்கும் அப்படி ஒரு பிரபலம் கிடைத்தது. அந்தப் படத்திற்குப் பிறகு ஜுனியர் என்டிஆர் 'தேவரா' படத்தில் நடிக்க ஆரம்பித்தார். தமிழ் இயக்குனரான ஷங்கர் இயக்கத்தில் 'கேம் சேஞ்சர்' படத்தில் நடித்து வருகிறார் ராம் சரண். 'ஆர்ஆர்ஆர்' படத்திற்குப் பிறகு அவர்களது அடுத்த படங்களும் பான் இந்தியா அளவிலான அந்தஸ்தைத் தக்க வைத்துக் கொள்வது அவசியம்.

ஜுனியர் என்டிஆர் நடித்துள்ள 'தேவரா' படத்தின் க்ளிம்ப்ஸ் வீடியோ நேற்று ஐந்து மொழிகளில் யு டியூபில் வெளியானது. அதற்குள் 30 மில்லியன் பார்வைகளைக் கடந்துள்ளதாக தயாரிப்பு நிறுவனம் அறிவித்துள்ளது. 24 மணி நேரம் முடிய இன்னும் சில மணி நேரங்கள் இருப்பதால் புதிய சாதனையைப் படைக்கவும் வாய்ப்புள்ளது.

கடந்த வருடம் தெலுங்குத் திரையுலகத்தில் 600 கோடி வசூல் கடந்த படமாக 'சலார்' படம் மட்டுமே அமைந்தது. தமிழில் 'ஜெயிலர், லியோ' ஆகிய படங்கள் அமைந்தன. இந்த வருடம் தெலுங்கில் சில படங்கள் அந்த சாதனையைப் படைக்கும் என்று எதிர்பார்க்கப்படுகிறது. அதில் 'தேவரா' படமும் ஒன்றாக இருக்கலாம்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?