Dinamalar

நேரடி தமிழ் படத்தில் நடிக்க ஆசை : 'தேவரா' விழாவில் ஜூனியர் என்டிஆர், ஜான்வி பேச்சு

'ஆர்ஆர்ஆர்' படத்தின் பெரிய வெற்றிக்கு பிறகு ஜூனியர் என்டிஆர் நடித்துள்ள படம் 'தேவரா'. அவருக்கு ஜோடியாக ஜான்வி கபூர் நடித்துள்ளார். இதன்மூலம் அவர் தென்னிந்திய சினிமாவில் அறிமுகமாகிறார். கொரட்டலா சிவா இயக்க, ரத்னவேலு ஒளிப்பதிவு செய்ய, அனிருத் இசையமைத்துள்ளார். தெலுங்கில் தயாராகும் இந்த படம் தமிழ், கன்னடம் உள்ளிட்ட பல மொழிகளில் பான் இந்தியா படமாக வருகிற 27ம் தேதி வெளியாகிறது. இந்த படத்தின் தமிழ் பதிப்பு அறிமுக விழா நேற்று நடந்தது.

இதில் ஜான்வி கபூர் பேசியதாவது : சென்னை எனக்கு ரொம்பவே ஸ்பெஷல். சென்னை என்றாலே அம்மாவுடன் (ஸ்ரீதேவி) இருந்த பல நினைவுகள் இருக்கு. அம்மாவுக்கு கொடுத்த அன்பை எனக்கும் தருவீர்கள் என நம்புகிறேன். அந்த அளவுக்கு கடினமான உழைப்பையும் கொடுப்பேன். தேவரா எனக்கு ஸ்பெஷல் படம். உங்களுக்கும் பிடிக்கும். நேரடி தமிழ் படத்தில் நடிக்கும் ஆசை இருக்கிறது. அதற்கான வாய்ப்பு விரைவில் வரும் என்று நம்புகிறேன் என்றார்.

ஜூனியர் என்.டி.ஆர் பேசியதாவது : சென்னை எனக்கு பிடித்த இடம். சென்னையில்தான் நான் குச்சுப்புடி நடனம் கற்றுக் கொண்டேன் என்பது பலருக்கும் தெரியாது. தேவரா எந்தளவுக்கு எனக்கு ஸ்பெஷல் என்பதை வார்த்தையில் விவரிக்க முடியாது. படம் சிறப்பாக வர உழைத்த படக்குழுவினர் அனைவருக்கும் நன்றி. எனக்கு மட்டுமல்ல, உங்கள் எல்லோருக்கும் இந்தப் படம் ஸ்பெஷலானதாக அமையும். ஜான்வியின் சிறப்பான நடிப்பு உங்களுக்குப் பிடிக்கும்.

சினிமாவை கோலிவுட், டோலிவுட், பாலிவுட், சாண்டல் வுட் என்று பிரித்து பார்ப்பதில் எனக்கு உடன்பாடில்லை. எல்லாமே சினிமாதான். எனக்கு நேரடி தமிழ் படத்தில் நடிக்கும் ஆசை இருக்கிறது. குறிப்பாக வெற்றி மாறன் இயக்கத்தில் நடித்து அந்த படத்தை தெலுங்கில் டப் பண்ணலாம். அது நடக்கும் என்று நம்புகிறேன் என்றார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...