Dinamalar

இரண்டு வாரத்தை நிறைவு செய்த 'குட் பேட் அக்லி'

ஆதிக் ரவிச்சந்திரன் இயக்கத்தில், ஜிவி பிரகாஷ்குமார் இசையமைப்பில், அஜித், த்ரிஷா மற்றும் பலர் நடிப்பில் ஏப்ரல் 10ம் தேதி வெளியான படம் 'குட் பேட் அக்லி'. படத்திற்குக் கலவையான விமர்சனங்கள் வந்தாலும் அஜித் ரசிகர்களுக்குப் படம் பிடித்துப் போனது. அதனால், அஜித் நடித்து வெளியான படங்களில் அதிக வசூலைப் பெற்ற படம் என்ற சாதனையை நிகழ்த்தியுள்ளது.

இதற்கு முன்பு அந்த சாதனையைத் தக்க வைத்திருந்த படம் 'விஸ்வாசம்'. தற்போது 'குட் பேட் அக்லி' படத்தின் வசூல் 230 கோடியைக் கடந்திருக்கும் என்று பாக்ஸ் ஆபீஸ் தகவல்கள் தெரிவிக்கின்றன. தமிழகத்தைப் பொறுத்தவரையில் 130 கோடி வசூல் கடந்திருக்கலாம் என்கிறார்கள்.

இவ்வளவு வசூல் என்றாலும் வியாபாரத்தின் அடிப்படையில் படத்திற்கான 'பிரேக் ஈவன்' இன்னும் நடைபெறவில்லை என்ற ஒரு தகவலும் கோலிவுட் வட்டாரங்களில் சுற்றிக் கொண்டிருக்கிறது. மே 1ம் தேதி வரை பெரிய படங்கள் எதுவும் இல்லாத காரணத்தால் இந்த வார இறுதியிலும் 'குட் பேட் அக்லி'க்கான வசூல் திருப்தியாக இருக்கும் என்று எதிர்பார்க்கப்படுகிறது. பெரிய லாபம் இல்லை என்றாலும் மிதமான லாபத்துடன் படத்தின் ஓட்டம் நிறைவடையும் என்கிறார்கள்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!