Dinamalar

26வது ஆண்டில் ரஜினிகாந்த் நடித்த 'பெத்தராயுடு'

தமிழில் கே.எஸ்.ரவிக்குமார் இயக்கத்தில் சிற்பி இசையமைப்பில் சரத்குமார், மீனா, குஷ்பு, விஜயகுமார், கவுடண்மணி, செந்தில், மனோரமா மற்றும் பலர் நடிக்க 1994ம் ஆண்டு வெளிவந்து பெரும் வெற்றி பெற்ற படம் 'நாட்டாமை'.

இப்படத்தை தெலுங்கில் 'பெத்த ராயுடு' என்ற பெயரில் ரீமேக் செய்து 1995ம் ஆண்டு வெளியிட்டு அங்கும் பெரிய வெற்றியைப் பெற்றார்கள். தெலுங்கு ரீமேக்கை ரவி ராஜா பினி செட்டி இயக்க, மோகன் பாபு, சௌந்தர்யா, பானுப்ரியா ஆகியோருடன் ரஜினிகாந்தும் சிறப்புத் தோற்றத்தில் நடித்தார்.

தமிழில் விஜயகுமார் நடித்த கதாபாத்திரத்தைத்தான் தெலுங்கில் ஏற்று நடித்தார் ரஜினிகாந்த். மோகன் பாபுவும், ரஜினிகாந்தும் நெருங்கிய நண்பர்கள், மோகன் பாபு கேட்டுக் கொண்டதால் அவருக்காக அக்கதாபாத்திரத்தில் நடித்தார் ரஜினி. ரஜினியின் நடிப்பும், அவரது கதாபாத்திரமும் தெலுங்கு ரசிகர்களிடம் பெரும் தாக்கத்தை ஏற்படுத்தியது.

அப்படம் வெளிவந்து இன்றுடன் 26 ஆண்டுகள் நிறைவடைகிறது. படத்தை இயக்கிய ரவி ராஜா பினிசெட்டியின் மகன் நடிகர் ஆதி, அப்படம் பற்றி நினைவுகூர்ந்து, “ஆல் டைம் பிளாக் பஸ்டர் 'பெத்தராயுடு' படத்தின் 26வது வருடக் கொண்டாட்டம். எனது அப்பா இயக்கிய படங்களில் எனக்குப் பிடித்த ஒன்று, தனித்துவமான மோகன்பாபு சார், சிறப்புத் தோற்றத்தில் தலைவர் ரஜினிகாந்த் ஆகியோருடன்....இதன் மகத்துவம் மீள முடியாத ஒன்று...,” எனக் குறிப்பிட்டுள்ளார்.

• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'
• 
  சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு

• 
  விஜயகாந்த் பற்றி விஜய்யின் 'அண்ணன்' பேச்சு : மகன் சண்முக பாண்டியன் ...
• 
  அனிருத் இசை நிகழ்ச்சிக்கு தடையில்லை : நீதிமன்றம் உத்தரவு
• 
  'மதராஸி'யில் வட இந்தியர், தென் இந்தியர் மோதலா? : ஏ.ஆர்.முருகதாஸ் விளக்கம்
• 
  பிளாஷ்பேக்: எம்.ஜி.ஆரின் 'இதயக்கனி'க்கு இன்று பொன்விழா
• 
  பேண்டஸி படமாக 'விஸ்வம்பரா'