Dinamalar

வலிமை விமர்சன சர்ச்சை : ரசிகர்களுக்கு சின்னத்திரை நடிகையின் பதில்

விஜய் டிவியின் '7 சி' தொடரின் மூலம் குழந்தை நட்சத்திரமாக அறிமுகமானவர் ஸ்ரீ நிதி. தொடர்ந்து 'பகல் நிலவு', 'யாரடி நீ மோகினி' ஆகிய சீரியல்களில் நடித்தார். இவர் தற்போது அஜித் நடிப்பில் வெளியான வலிமை திரைப்படம் குறித்து விமர்சனம் செய்துள்ளார். அதில், 'படம் ஓடுதோ இல்லையோ படத்தில பைக் தான் அதிகமா ஓடுது. ஆனால் படத்துல அஜித் சார் செம க்யூட்டாக இருந்தார்' என கூறியிருந்தார். இதை பார்த்து கடுப்பான அஜித் ரசிகர்கள் அவரை விடாமல் கலாய்த்து வந்தனர். ஒரு கட்டத்தில் ஸ்ரீ நிதி மன்னிப்பு கேட்க வேண்டும் எனவும் சொல்லி வந்தனர்.

அஜித் ரசிகர்களின் இந்த ஆவசேமான போக்கிற்கு தற்போது ஸ்ரீ நிதி பதில் கொடுத்துள்ளார். ஸ்ரீ நிதி வெளியிட்டுள்ள புதிய வீடியோவில், 'நான் காசு கொடுத்துதான் படம் பார்த்தேன். அந்த படம் எப்படி இருக்குன்னு சொல்ற உரிமை எனக்கு கிடையாதா?. நான் விஜய் ரசிகை. அதான் இப்படி எல்லாம் பேசுறதா சொல்றாங்க. ஆனால், உண்மையா நான் சிம்பு ரசிகை. நான் எதார்த்தமா பேசினது இவ்வளவு பெரிய சர்ச்சையாகும்னு தெரியாது. என்னதான் இருந்தாலும் ஒரு பெண்ணை பார்த்து இப்படிதான் பேசுவீங்களா. நான் பேசினதுல எந்த தவறும் இல்ல. குறிப்பா நான், அஜித் சார் பத்தி எதுவும் தப்பா சொல்லவும் இல்ல. அதனால், நான் எந்த மன்னிப்பும் கேட்கமாட்டேன்' என கூறியுள்ளார்.

தற்போது அஜித் ரசிகர்களில் சிலரே ஸ்ரீ நிதிக்கு சப்போர்ட் செய்து மற்ற ரசிகர்களின் அநாகரீகமான செயல்களை கண்டித்து வருகின்றனர்.

• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே

• 
  இனி உறுப்பினர் அல்லாதவர்கள் நடிப்பது கஷ்டம்: சின்னத்திரை நடிகர் சங்க ...
• 
  சின்னத்திரை நடிகர் சங்கத் தேர்தல்: பரத் அணி செயற்குழு உறுப்பினர்கள் ...
• 
  சின்னத்திரை நடிகர் சங்க தலைவராக பரத் தேர்வு
• 
  சின்னத்திரை நடிகர் சங்கத் தேர்தல்: ஓட்டுப்பதிவு விறுவிறு
• 
  நீரும் நெருப்பும், ராஜாவின் பார்வையிலே, வேலையில்லா பட்டதாரி-2 - ஞாயிறு ...